P32M na halaga ng condo, P3M cash ibibigay ng Megaworld kay Carlos Yulo
Mas mahal na condominium unit ang ibibigay ng kumpanyang Megaworld kay Carlos Yulo matapos na makakuha ng dalawang gintong medalya sa Paris Olympics.
Ayonsa pahayag ng Megaworld, mula sa 2-bedroom condo unit na una nitong ipinangako para sa sinumang atletang makakakuha ng gintong medalya sa Olympics ay gagawin nilang 3-bedroom condo unit ang ibibigay kay Yulo.
Mayroon ding cash bonus na P3 million para kay Yulo.
Ang 3-bedroom unit ay mula sa isa sa mga premier residential properties ng Megaworld sa McKinley Hill sa BGC, Taguig.
Ang condominium unit ay fully-furnished ng appliances, furnitire at fixtures.
Mayroon din itong 2 balcony, maid’s room at parking lot.
Ayon kay Lourdes Gutierrez-Alfonso, presidente ng Megaworld, ang pagkakapanalo ni Yulo ng dalawang gintong medalya sa Olympics ay napakahalagang yugto sa kasaysayan ng Pilipinas. (DDC)
