Anak ni Niño Muhlach na si Sandro Muhlach pormal nang naghain ng reklamo laban sa dalawang GMA executives
Pormal nang nagsampa ng reklamo ang anak ni Niño Muhlach na si Sandro Muhlach laban sa dalawang executives ng GMA Network.
Sa inilabas na statement ng network, inireklamo ng Sparkle Artist na si Sandro ang GMA independent contractors na sina Jojo Nones at Richard Cruz.
Ayon sa GMA, bago pa man nila natanggap ang pormal na reklamo ay nagsagawa na sila ng imbestigasyon.
Humiling din umano ng confidentiality si Sandro kaya hindi muna ilalabas ng investigating body ang mga detalye kaugnay sa reklamo at sa takbo ng imbestigasyon.
Tiniyak ng GMA Network sa publiko at lahat ng stakeholders ang commitment nito na magsagawa ng patas na pagsisiyasat.
Una ng lumutang ang mga balita hinggil sa isang anak ng sikat na artista na ginawan umano ng kahalayan ng dalawang executives ng GMA noong pagkatapos ng idinaos na GMA Gala Night. (DDC)
