World Champion na si Blessie Mae Alipopo Abagat umawit ng Lupang Hinirang sa SONA ni Pang. Marcos
Isang world champion ang umawit sa Lupang Hinirang sa ikatlong State of the Nation Address (SONA) ni Pangulong Ferdinand “Bongbong” Marcos Jr.
Ito ay si Blessie Mae Alipopo Abagat na isang Bicolana.
Si Abagat ay itinanghal na kampeon sa World Championships of Performing Arts 2024 (WCOPA) na ginanap sa Westin Long Beach California.
Kabilang din sa mga parangal na kaniyang nakuha sa nasabing patimpalak ay ang pagiging semifinal Silver Medalist sa Vocal Gospel at tatlong Gold Medals para sa Vocal Gospel, Vocal Contemporary, Vocal Pop kasama rin ang isang Silver Medal sa Vocal Broadway.
Sumasalamin kay Abagat ang cultural pride at ang kasaysayan ng Bicol na naging instrumento sa paghubog sa kanya bilang isang artist. (CY)
