Bilang mga Pinoy na walang trabaho umabot sa 2.11 million noong Mayo – PSA

Umakyat sa 2.11 million ang bilang ng mga Pinoy na walang trabaho noong buwan ng Mayo base sa datos na inilabas ng Philippine Statistics Authority (PSA).

Sa press conference inilabas ng PSA ang pinakabagong resulta ng Labor Force Survey (LFS).

Ayon kay PSA chief at National Statistician Claire Dennis Mapa, ang 2.11 million na unemployed Filipinos noong Mayo ay mas mataas sa naitalang 2.04 unemployed Filipinos noon Abril.

Samantala, naitala ng PSA ang 95.9 percent employment rate noong Mayo na mas mataas ng bahagya sa 95.7 percent noong Mayo ng nakaraang taon.

Nakapagtala din ang PSA ng 4.82 million na underemployed. (DDC)