P570K na halaga ng shabu nakumpiska sa Teresa, Rizal

Arestado ng mga operatiba ng Teresa Municipal Police Station ang isang High Valued Individual (HVI) na tulak ng ipinagbabawal na gamot sa ikinasang operasyon sa Teresa, Rizal.

Nagsagawa ng drug buy-bust operation ang mga kapulisan ng Teresa sa pakikipagtulungan sa Philippine Drug Enforcement Agency (PDEA) na nagresulta sa pagkakaaresto ng suspek na kinilalang si Alyas Pao-pao, 24 anyos.

Narekober mula sa suspek ang anim na pakete na hinihinalang shabu na may bigat na 85 grams na nagkaka halaga ng PHP 570,000.

Kasalukuyang nasa kustodiya na ng Teresa Custodial Facility ang nasabing suspek na nahaharap sa reklamong paglabag sa Comprehensive Dangerous Drugs Act of 2002 o RA 9165. (DDC)