Walang Pinoy na nasaktan sa magnitude 5.9 na lindol sa Japan – DMW

Walang Pinoy na nasaktan sa malakas na lindol na tumama sa Japan umaga ng Lunes, June 3.

Ayon sa Department of Migrant Workers (DMW), sa report ng kanilang migrant workers sa Japan, ligtas ang mga Pinoy kasunod ng lindol sa Noto Peninsula.

Sinabi ng DMW na patuloy din ang pakikipag-ugnayan ng MWO-Osaka sa Filipino Communities at Japanese authorities sa apektadong lugar.

Ito ay para masiguro ang kaligtasan ng mga overseas Filipino workers (OFWs) sa rehiyon.

Sa datos ng Japan Meteorological Agency, naitala ang magintude 5.9 na lindol 5:40 ng umaga oras sa Pilipinas. (DDC)