13 Filipino crew ng barkong tinamaan ng missile ng Houthi rebels, ligtas ayon sa DMW

Ligtas ang lahat ng labingtatlong Filipino crew at isang Ukrainian seaman na lulan ng barkong inatake ng Houthi rebels noong Martes, May 28.

Ayon sa Department of Migrant Workers (DMW) batay sa impormasyon mula sa local manning agency (LMA) ng barko, nagtamo ang bulk carrier ng pinsala matapos tamaan ng apat na missiles habang binabaybay ang Yemeni coast.

Sa ngayon ay nagpapatuloy ang paglalayag ng barko patungo sa port of call nito.

Patuloy din ang komunikasyon ng DMW sa shipping at manning agencies para matiyak ang kaligtasan ng mga Filipino seafarers.

Nakikipag-usap na din ang DMW sa pamilya ng mga Pinoy crew para sa kanilang kinakailangang tulong. (DDC)