James Harden pinatawan ng multa ng NBA; nag-party ng walang suot na mask
Pinagmulta ng NBA ng $50,000 si Houston Rocket star James Harden dahil sa paglabag sa COVID-19 protocols ng liga.
Ito ay makaraang lumantad ang video ni Harden habang nakikipag-party nang walang suot na mask.
Batay sa ulat ng Black Sports Online, ang Christmas party na dinaluhan ni Harden ay sa isang strip club sa Houston.
Bagaman private indoor party ito, nilabag pa din ni Harden ang rules ng NBA.
Sa kaniyang post sa Instagram, itinanggi ni Harden na strip club ang pinuntahan niya.
Nagpunta umano siya sa event para magpakita ng suporta sa kaniyang “homegirl” na na-promote sa trabaho.
