Grade 10 completers maaari nang mag-apply para sa Senior High School Voucher Program ng DepEd
Binuksan na ng Department of Education (DepEd) ang aplikasyon para sa Senior High School Voucher Program (SHS VP).
Sa abiso ng DepEd, ang aplikasyon ay nagsimula kahapon, May 16 at tatagal hanggang sa June 4, 2024.
Maaaring bisitahin ang Online Voucher Application Portal (OVAP) sa ovap.peac.org.ph para gumawa ng OVAP account at magpasa ng application para sa SHS Voucher Program.
Nasa official Facebook Page naman ng DepEd ang iba pang mahahalagang detalye patungkol SHS VP.
Ang SHS VP ay isang financial assistance program na nagkakaloob ng subsidiya sa pamamagitan ng voucher para sa mga kuwalipikadong senior high school learners.
Para sa mga Automatically Qualified Learners, hindi na kailangan mag-apply ng voucher.
Kabilang sa mga Automatically Qualified Learners ang mga Grade 10 completers mula sa public schools, at ang mga Grade 10 completers mula sa private schools na ESC grantees. (DDC)
