80-anyos na si Batangas Gov. Mandanas at 32-anyos na kasintahan, ikinasal na

Ikinasal na si Batangas Gov. Hermilando Mandanas at ang abogadang kasintahan ito si Atty. Angelica Austria Chua.

Idinaos ang pag-iisang dibdib ng dalawa sa Minor Basilica and Parish of the Immaculate Conception sa Batangas City.

Kabilang sa principal sponsors sa naturang kasal sina Pangulong Ferdinand Marcos Jr. at First Lady Liza Araneta-Marcos, Pampanga 2nd Dist. Rep. Gloria Macapagal-Arroyo, at si San Miguel Corp. President and CEO Ramon Ang.

Dumalo din sa kasalan ang mga local chief executives mula sa iba’t ibang bayan at lungsod sa Batangas.

Nagsimulang mag-date ang dalawa ngayong taon.

Sa kwento ni Chua, niyaya siya ng gobernador sa isang date noong Valentine’s Day.

Taong 2022 ng pumanaw ang unang asawa ni Mandanas na si dating Anakalusugan Party-list nominee Regina Reyes. (DDC)