Mas pinaagang work schedule ng MMDA simula bukas May 2

Simula sa Mayo 2, mas maaga nang makakapaghatid ng serbisyo ang Metropolitan Manila Development Authority (MMDA)

Mula alas-7:00 ng umaga, bukas na sa publiko ang MMDA Head Office na matatagpuan sa Julia Vargas Avenue corner Molave Street, Barangay Ugong, Pasig City.

Bukod sa MMDA, epektibo na rin ang mas pinaagang work schedule sa mga lokal na pamahalaan sa National Capital Region simula Huwebes.

Alinsunod sa MMDA Resolution No. 24-08, s. 2024, ang pasok sa opisina sa mga local government units sa Metro Manila ay itinakda mula alas-7:00 ng umaga hanggang alas-4:00 ng hapon.

Pansamantalang magtatalaga ng ilang kawani para tapusin ang mga transaksyon ng publiko hanggang 5:00 ng hapon para sa tuloy-tuloy na paglilingkod at serbisyo publiko.

Ang MMC ay binubuo ng mga alkalde ng Metro Manila at iba pang ahensiya ng pamahalaan. (Bhelle Gamboa)