Mga manggagawa na apektado ng El Niño bibigyan ng tulong-pinansyal ayon kay Pang. Marcos

Tutulungan ng pamahalaan ang mga manggagawa na apektado ng pagtama ng El Niño partikular ang mga nasa agriculture sector.

Ayon kay Pangulong Ferdinand Marcos Jr. bibigyan ng tulong-pinansyal ang mga manggagawa na ang source of income ay naapektuhan dahil sa nararanasang El Niño phenomenon.

Kasama aniya sa mga makatatanggap ng tulong ay ang mga nasiraan ng pananim.

Ang tulong ay dagdag pa sa mga programa ng Department of Agriculture (DA), Department of Social Welfare and Development (DSWD), at Department of Labor and Employment (DOLE) na nagkakaloob ng ayuda sa mga napektuhan ng tagtuyot. (DDC)