Cagayan Gov. Manuel Mamba maghahain ng iaapela ang disqualification order ng Comelec

Tumanggi si Cagayan Governor Manuel Mamba na bakantehin ang posisyon nito bilang gobernador ng naturang lalawigan matapos ang ipinataw na disqualification ng Commission on Elections (Comelec).

Sa pahayag ni Mamba, mananatili ito sa pwesto dahil maghahain ito ng motion for reconsideration sa Comelec en banc upang iapela ang disqualification order ng 1st Division.

Mayroong limang araw para makapagsumite ng apela ang kampo ni Mamba sa en banc.

Kaugnay nito, sinabi sa pahayag ng Cagayan Provincial Government na mananatili at ipagpapatuloy pa rin ni Mamba ang kaniyang tungkulin bilang gobernador ng lalawigan hanggat wala pang pinal na desisyon.

Umaapela si Mamba sa mga taga-Cagayan na maging kalmado at mahinahon dahil handa ang gobernador na harapin ang mga kasong isinampa laban sa kaniya. (DDC)