Gulo sa pagitan ng Iran at Israel ikinabahala ng DFA
Ikinabahala ng Department of Foreign Affairs (DFA) ang lumalalang sitwasyon sa pagitan ng Israel at Iran.
Sa pahayag ay hinikayat ng DFA ang magkabilang panig na iwasan nang palalain pa ang sitwasyon.
Hinimok din ng DFA ang dalawang bansa na gumawa ng mga hakbang para magkaroon ng payapang resolusyon ang kaguluhan.
Ayon sa DFA, isinusulong ng Pilipinas ang pagsunod ng lahat ng mga bansa sa international law at sa mapayapang pagsasaayos ng anumang sigalot. (DDC)
