Ex ni Pokwang na si Lee O’Brian naipatapon na palabas ng bansa
Naipa-deport na ng Bureau of Immigration (BI) ang American national na si Lee O’Brian na ex-partner ng comedian na si Marietta Subong o mas kilala bilang si “Pokwang”.
Si Pokwang ay naghain ng deportation case sa BI laban sa naturang dayuhan dahil sa pagtatrabaho nito sa bansa ng karampatang permit.
Ayon kay Pokwang, nagtrabaho si O’Brian sa iba’t ibang production companies kahit wala naman itong permiso mula sa Department of Labor and Employment (DOLE) at BI.
Sa ginawang imbestigasyon, napatunayan ng BI na may sapat na merito ang reklamo ni Pokwang at nilabag ni O’Brian ang mga kondisyon ng kaniyang pananatili sa bansa.
Ayon kay BI Commissioner Norman Tansingco naipa-deport na si O’Brian lulan ng flight ng Philippine Airlines patungong San Francisco.
Isinama na din ito sa blacklist ng ahensya at hindi na papayagang muling makapasok sa bansa. (DDC)
