MRT-3 may libreng sakay sa mga beterano sa paggunita ng Philippine Veterans’ Week
Magbibigay ng libreng sakay ang MRT-3 para sa mga beterano at isa nilang companion simula sa Abril 5 hanggang 11.
Ito ay bilang pakikiisa ng MRT-3 sa pagdiriwang ng ika-82 Araw ng Kagitingan at Philippine Veterans’ Week.
Kailangan lamang magpakita ng mga beterano ng valid Identification Card mula sa Philippine Veterans Affairs Office (PVAO) sa security personnel ng mga istasyon.
Ayon kay Transportation Assistant Secretary for Railways at MRT-3 Officer-in-Charge Jorjette B. Aquino, bahagi ito ng pagkilala ng MRT-3 sa mahalagang kontribusyon nila sa lipunan.
Sa nabanggit na mga petsa ay libreng makakasakay ang mga beterano at kanilang kasama sa buong oras ng operasyon ng MRT-3. (DDC)
