PCSO inilabas ang schedule ng Lottery Draws ngayong Semana Santa.

Inilabas ng Philippine Charity Sweepstakes Office (PCSO) ang schedule ng draw at bentahan ng lotto tickets ngayong Semana Santa.

Hanggang sa Miyerkules Santo, (Mar. 27) ay mayroon pang regular draws at regular pa ang selling period ng Lotto tickets.

Simula naman sa Huwebes Santo (Mar. 28 hanggang sa Easter Sunday (Mar. 31) ay wala munang draw ang PCSO, ihihinto din muna ang pagbebenta ng Lotto tickets.

Sa nasabing mga petsa naman ay tuloy lang ang 24-hours selling sa e-Lotto.

Balik sa regular ang schedule ng draw at selling period pagsapit ng Apr. 1. (DDC)