Lakbay Alalay program ng DPWH handa na para sa Semana Santa
Handa na ang Lakbay Alalay program ng Department of Public Works and Highways (DPWH) para sa Semana Santa.
Inatasan ni DPWH Secretary Manuel M. Bonoan ang lahat ng Regional at District Engineering Offices ng ahensya sa buong bansa na magsagawa ng routine maintenance activities para matiyak ang maayos na daloy ng trapiko sa mga pangunahing lansangan.
Inaasahan na kasi ayon kaky Bonoan ang pagdagsa ng mga bibiyaheng motorista.
Pinatitiyak din ni Bonoan na maayos ang mga warning, directional, at information signages sa mga kalsada.
Sa ilalim ng Lakbay Alalay program, magtatalaga ang DPWH ng Motorist Assistance Teams sa mga national road simula sa March 28, 2024 .
Ang mga biyahero na mayroong concern o kailangan ng tulong ay maaaring lumapit sa ‘Lakbay Alalay’ teams na binbuo ng DPWH uniformed field and crew personnel. (DDC)
