Runway ng Pagadian Airport sasailalim sa repair

Sasailalim sa repair ang runway ng Pagadian Airport.

Dahil dito, nagpaabiso ang Cebu Pacific na sususpendihin ang operasyon ng kanilang mga eroplano sa Pagadian Airport mula Apr. 15 hanggang Mar. 15, 2024.

Ito ay para masiguro ang kaligtasan ng mga pasahero at crew.

Muling magbabalik ang operasyon sa sandaling matiyak nang ligtas na sa landing at take-off ang runway.

Dahil sa nasabing repair, kanselado ang walong flights ng Cebu Pacific na biyaheng Cebu-Pagadian-Cebu at Manila-Pagadian-Manila.

Magdaragdagan naman ng recovery flight ang Cebu Pacific na biyaheng Cebu-Ozamiz-Cebu at Manila-Ozamiz-Manila. (DDC)