P3.4M na halaga ng shabu nakumpiska sa isang high value target sa Las Piñas City
Nakumpiska ang 505 na gramo ng hinihinalang shabu na nagkakahalaga ng mahigit P3.4 million mula sa isang High Value Individual (HVI) na target sa buy-bust operation sa Las Piñas City.
Kinilala ang naarestong suspek na si alyas Kuya, 44-anyos na dinakip ng mga tauhan ng Police Station Drug Enforcement Unit sa Barangay Almanza Uno.
Bukod sa nakumpiskang ilegal na droga sa gitna ng operasyon, narekober din ang isang leather coin purse, cellphone, buy-bust money at eco bag.
Kaagad itinurn-over ang nakuhang ebidensiya sa SPD Forensic Unit para sa chemical analysis.
Sasampahan ang suspek ng paglabag sa kasong Comprehensive Dangerous Drugs Act of 2002. (Bhelle Gamboa)
