Most Wanted ng CALABARZON arestado sa Taytay, Rizal

Nadakip ng mga tauhan ng Taytay Municipal Police Station ang isang lalaki na tinaguriang Most Wanted Person ng CALABARZON.

Sa ulat na ipinarating kay Police Col. Felipe Maraggun, Provincial Director Rizal Police Provincial Office, kinilala ang naaresto na si Alyas Dante, 33-anyos at nahaharap sa patung patong na kaso ng panggagahasa at child abuse.

Ikinasa ng mga otoridad ang manhunt operation laban sa suspek na nagresulta sa pagkakadakip nito sa Brgy. San Juan sa bayan ng Taytay.

Nabatid na 16 na taon na nagtago ang suspek na may mga standing warrants of arrest para sa dalawang kaso ng Child Abuse, 3 kaso ng Qualified Rape at isa pang Rape case.

Nakakulong na ang suspek sa Taytay Custodial Facility. (DDC)