4 na magkakaanak patay sa sunog sa Cebu City
Apat ang nasawi habang siyam pa ang sugatan sa sunog na naganap sa Brgy. Tinago sa Cebu City, Martes (Feb. 27) ng madaling araw.
Nagsimula ang apoy sa Sitio Sta. Lucia sa nasabing barangay.
Umabot sa apat na oras bago tuluyang naapula ang apoy.
Kinilala ang mga nasawi na sina Rosita at Parolito Otadoy – mag-asawa at dalawa nilang anak na sina Joseph at Jeffrey.
Ayon sa Bureau of Fire Protection, tinatayang mahigit P7 million ang halaga ng natupok na ari-arian.
Inaalam pa kung ano ang pinagmulan ng sunog. (DDC)
