Trike driver huli sa P176K na halaga ng shabu sa Taguig
Inaresto ng mga tauhan ng Taguig City Police Substation 5 ang isang tricycle driver matapos mahulihan ng umano’y shabu na nagkakahalaga ng P176,800.
Kinilala ang suspek na si alyas Arnhi,31-anyos, at kabilang sa drugs watchlist bilang Street Level Individual (SLI).
Nagpapatrulya ang mga pulis sa C6 Road, Brgy. Calzada-Tipas, Taguig City nang namataan ang kahina-hinalang ikinikilos ng suspek.
Narekober sa suspek ang tinatayang 26 gramo ng ilegal na droga na sanhi ng agaran nitong pagkakaaresto.
Nakakulong ang suspek sa Station Custodial Facility ng pulisya habang dinala ang nakumpiskang ebidensiya sa Southern Police District Forensic Unit (SPDFU) para suriin.
Inihahanda na ng otoridad ang pagsasampa ng kasong paglabag sa RA 9165 o Comprehensive Dangerous Drugs Act of 2002 laban kay alyas Arnhi. (Bhelle Gamboa)
