Publiko hinikayat ng Malakanyang na dumalo sa kick-off rally ng “Bagong Pilipinas” sa Jan. 28

Hinikayat ng Malakanyang ang publiko na dumalo sa kick-off rally ng “Bagong Pilipinas” sa Quirino Grandstand sa Maynila sa araw ng Linggo, January 28.

Sa Facebook page ng Presidential Communications Office (PCO), hinimok ang lahat na maging bahagi ng pagbabago para sa sarili, komunidad, at bayan.

Magsisimula ang kick-off rally 6:00 ng gabi kung saan inaasahang dadalo si Pangulong Ferdinand R. Marcos Jr.

Inaasahan din ang pagdalo ng iba pang opisyal ng gobyerno at ilang mga celebrities at personalidad.

Mag-uumpisa ang pagtatanghal ng ilang mga celebrity alas 3:00 ng hapon.

Kaugnay ng nasabing aktibidad ay pinayuhan ng Metropolitan Manila Development Authority (MMDA) ang mga motorista na iwasan ang bahagi ng Rizal Park at mga kalapit na lansangan sa nasabing petsa. (DDC)