Imbakan ng kalakal nasunog sa Antipolo City
Tinupok ng apoy ang isang imbakan ng kalakal sa Antipolo City sa Rizal, Lunes (Jan. 22) ng umaga.
Nangyari ang sunog sa Sitio Maria Corazon sa Brgy. Bagong Nayon.
Nagdulot ito ng pagbagal sa daloy ng traffic sa bahagi ng Marcos Highway.
Pawang light materials gaya ng mga karton ang nasa loob ng nasunog na imbakan.
Nadamay din sa sunog ang ilang bahay sa lugar.
Iniimbestigahan pa ng Bureau of Fire Protection (BFP) kung ano ang dahilan ng sunog. (DDC)
