Dating Senador Ralph Recto uupo bilang bagong kalihim ng DOF
Kinumpirma ng Malakanyang ang paghirang ni Pangulong Ferdinand Marcos Jr. kay dating Senador Ralph Recto bilang bagong kalihim ng Department of Finance (DOF).
Ayon kay Presidential Communications Office Sec. Cheloy Garafil, nakatakda ng manumpa sa puwesto si Recto.
Manunumpa din sa pwesto si Frederick Go, bilang Special Assistant for Investment and Economic Affairs.
Unang umugong ang mga balita na papalitan ni Recto si Diokno sa nasabing puwesto.
Tahimik naman ang kampo ni Diokno hinggil sa pag-alis niya bilang kalihim ng DOF. (DDC)
