20 truckloads ng basura nakolekta ng MMDA sa Pista ng Itim na Nazareno
Sa puspusang paglilinis ng mga tauhan ng Metropolitan Manila Development Authority (MMDA), umabot sa 20 truckloads o 4,062 trashbags ang nakolekta simula January 6-10 sa ginanap na Pista ng Poong Itim na Nazareno.
Pinangunahan ng MMDA Metro Parkways Clearing Group (MPCG) ang paglilinis partikular sa mga rutang dinaanan ng Andas para sa katatapos lamang na 2024 Traslacion ng Itim na Nazareno.
Ayon sa MMDA, nagsagawa ang MPCG ng cleaning operations para siguraduhin ang kalinisan at kaayusan sa mga lugar sa Maynila na pinagdausan ng mga aktibidad at gawain para sa pista na dinayo ng milyun-milyong deboto. (Bhelle Gamboa)
