Mataas na opisyal ng NPA patay sa engkwentro sa Eastern Samar

Nasawi ang isang mataas na lider ng New People’s Army sa pakikipagbakbakan sa mga sundalo sa Borongan City, Eastern Samar.

Ayon sa ulat ng 8th Infantry Division, nangyari ang engkwentro sa pagitan ng mga tauhan ng 78th Infantry Battalion at mga miyembro ng NPA sa Brgy. San Gabriel.

Matapos ang sagupaan, narekober ang bangkay ni martin Cardeño Colima alyas “Moki”.

Si Colima ay nagsilbi umano bilang secretary ng Sub-Regional Committee-SESAME, Eastern Visayas Regional Party Committee.

Siya rin ang itinuturing utak sa pananambang na naganap sa Brgy. Libuton, Borongan City noong Dec. 2019 kung saan 1 pulis at 3 sibilyan ang nasawi.

Nakuha din sa pinangyarihan ng engkwentro ang isang kalibre 45 na baril at mga backpack. (DDC)