P350K na halaga ng marijuana at shabu nakumpiska sa Taguig; 3 suspek arestado
Aabot sa P349,300 na halaga ng marijuana at shabu ang nakumpiska sa tatlong suspek sa ikinasang proactive anti-criminality operation ng mga otoridad sa Taguig City madaling araw ng Martes, December 12.
Ang mga naarestong suspek ay kinilala sa alyas Drew, 21-anyos; alyas Bryan, 24-anyos; at alyas Tim, 23-anyos.
Nagsagawa ng Anti-Criminality Foot Patrolling ang mga tauhan ng Substation 8 ng Taguig City Police Substtaion 8 sa Barangay Bagong Tanyag na nagresulta ng pagkakaaresto ng tatlong suspek.
Narekober ng otoridad ang umano’y dried marijuana, tatlong kahon ng vape na naglalaman ng marijuana oil cartridges,shabu, at digital weighing scale.
Agad itinurn over ang mga suspek sa Station Drug Enforcement Unit (SDEU) habang inihahanda ang pagsasampa ng kaukulang kaso laban sa nasabing tatlong indibiduwal. (Bhelle Gamboa)
