Christmas convoy ng ‘Atin Ito’ movement sa West PH Sea, hindi na itinuloy

Bumalik sa El Nido, Palawan ang civilian-led convoy na dapat sana ay maghahatid ng mga regalo at donasyon sa mga sundalo na naka-destino sa West Philippine Sea.

Ayon sa “Atin Ito” coalition, bahagi ito ng pag-iingat kasunod ng insidente sa West Philippine Sea sangkot ang barko ng China.

Ang barkong MV Kapitan Oca na primary vessel ng tinaguriang “Christmas convoy” ay nakaranas ng “shadowing” mula sa mga barko ng China, Linggo (Dec. 12) ng hapon sa bahagi ng Kayumanggi Bank.

Lulan ng convoy ang nasa 40 volunteers ng grupo. (DDC)