Pang. Marcos maayos ang kondisyon matapos magpositibo sa COVID-19

Naglabas ng update ang Malakanyang kaugnay sa kondisyon ni Pangulong Ferdinand Marcos Jr. makaraang magpositibo sa COVID-19.

Ayon kay Presidential Communications Office (PCO) Sec. Cheloy Garafil, maayos ang kondisyon ng pangulo at nakadadalo sa mga naka-schedule na teleconference.

Ang pangulo ay kinatawan ni Executive Sec. Lucas Bersamin sa National Jail Decongestion Summit na idinaos sa Diamond Hotel sa Maynila araw ng Miyerkules (Dec. 6).

Una ng tiniyak ng PCO na patuloy na nagagampanan ng pangulo ang kaniyang tungkulin at nakadadalo sa mga pulong.

Ito na ang ikatlong pagkakataon na nagpositibo sa COVID-19 ang pangulo. (DDC)