P204K na halaga ng shabu nakumpiska sa Taguig, suspek arestado
Bumagsak sa kamay ng mga tauhan ng Substation 9 ng Taguig City Police ang isang lalaki matapos makumpiskahan ng P204,000 halaga ng umano’y shabu kaninang madaling araw.
Kinilala ang suspek sa alyas Alex, 29-anyos na naaresto ng nagpapatrulyang otoridad sa panulukan ng MLQ Street at Samaba, New Lower Bicutan, Taguig City, dakong alas-2:40 ng madaling araw ng December 5.
Narekober kay alyas Alex ang dalawang pakete na naglalaman ng tinatayang 30 gramo ng ‘shabu’ na agad itinurn over sa
Southern Police District Forensic Unit para sa qualitative at quantitative analysis.
Bakakulong ang suspek sa Custodial Facility ng Taguig City Police Station. (Bhelle Gamboa)
