Bonifacio Monument Circle sarado sa trapiko sa paggunita ng Bonifacio Day

Simula mamayang alas-11:00 ng gabi ngayong November 29 ay isasara sa mga motorista ang Bonifacio Monument Circle (BMC) sa Caloocan City upang bigyang daan ang paggunita sa ika-160 na taong anibersaryo ni Gat Andres Bonifacio sa November 30 sa ganap na alas-8:00 ng umaga.

Ipatutupad din ang road closures sa mga sumunusunod na kalsada:

• kahabaan ng Samson Road, sa magkabilang bahagi ng Lapu-lapu Street hanggang BMC

• sa Mc Arthur Hi-way, sa parehong bahagi mula sa Calle Cuatro hanggang BMC

• kahabaan ng Edsa, both bounds buhat sa Gen. Simon hanggang BMC

• sa Rizal Avenue Extension, sa parehong direksiyon buhat sa 10th Avenue hanggang BMC

Pinapayuhan ang nga motoristq na dumaan sa mga alternatibong ruta.

Magpapatupad din ng rerouting sa mga sasakyan:

• Ang lahat ng motorista sa McArthur Highway na magtutungo sa Manila ay maaaring kumanan sa Reparo Road, kaliwa sa University Avenue, kanan sa Caimito Road, kumaliwa sa Heroes del 96 patungong 10th Ave. hanggang sa destinasyon.

• Ang mga motorista sa Rizal Ave. na papuntang sa EDSA na kumanan sa 10th Ave., kaliwa sa B. Serrano hanggang sa destinasyon.

• Ang lahat ng motorista sa Rizal Ave. na patungong Mac Arthur Highway na magmula sa Rizal Ave. ay kumaliwa sa 10th Ave., kanan sa Heroes del 96, kaliwa sa Caimito Road hanggang sa destinasyon.

• Ang lahat ng motorista sa Rizal Ave. na papuntang Sangandaan na buhat sa Rizal Ave. ay kumaliwa sa 10th Ave., kanan sa A. Mabini hanggang destinasyon.

• Ang alternatibong ruta sa mga sasakyan sa kahabaan ng EDSA patungong MacArthur Highway na magmula sa EDSA ay kumanan sa Gen. Simon, kaliwa sa Calle Uno o Calle Cuatro hanggang sa destinasyon.

• Ang lahat ng motorista sa MacArthur patungong EDSA na buhat sa McArthur ay kanan sa Reparo, kaliwa sa University Avenue, kanan sa Caimito patungong Heroes Del 96, kaliwa sa 10th Ave., kaliwa sa B. Serrano hanggang sa destinasyon.

Samantala ang lahat ng trucks na manggagaling sa EDSA northbound na patungong McArthur Highway ay pagbabawalan mula alas-7:00 ng umaga hanggang 9:00 ng umaga.Sa halip, pinaalalahanan silang dumaan sa NLEX papunta sa kanilang destinasyon.

Magpapakalat naman ang Metropolitan Manila Development Authority (MMDA) ng kanyang traffic enforcers sa mga apektadong lugar upang magsagawa ng traffic direction at parking control. (Bhelle Gamboa)