Mga kumandidato sa nagdaang Barangay at SK Elections hanggang ngayong araw na lamang pwedeng maghain ng SOCE
Pinaalalahanan ng Commission on Elections ang lahat ng kumandidato sa nagdaang Barangay at Sangguniang Kabataan Elections na ngayon na ang huling araw ng paghahain ng Statement of Contributions and Expenditures (SOCE).
Ayon sa Comelec, ang lahat ng kandidato, panalo man o hindi, ay kailangang personal na magpasa ng SOCE at iba pang angkop na dokumento sa Office of the Election Officer (OEO) kung saan sila naghain ng kandidatura.
Ang deadline ng paghahain ng SOCE ay hanggang alas 5:00 ng hapon ngayong araw.
Ang hindi paghahain ng SOCE ay paglabag sa Republic Act 7166, at sa Comelec ResolutionNo. 10924.
Samantala, para bigyang daan ang last day ng SOCE filing, sinabi ng Comelec na suspendido muna ang pag-iisyu ng Voter’s Certificate sa mga tanggapan ng Election Officers ngayong araw. (DDC)
