P374K na halaga ng ‘shabu’ nakumpiska, 2 suspek arestado sa Taguig
Tinatayang 55 na gramo ng umano’y shabu na nagkakahalaga ng ₱374,000 ang nasamsam ng otoridad sa dalawang suspek sa ikinasang buy-bust operation sa Taguig City.
Ang mga suspek na sina alyas Fatty at alyas Benny ay nahuli ng mga operatiba ng Taguig City Police Station Drug Enforcement Unit sa isinagawang buy-bust operation sa Ruby Street Deva Village, Barangay San Miguel sa lungsod kahapon.
Nakumpiska sa dalawang suspek ang umano’y iligal na droga, buy-bust money, cellphone, digital weighing scale at pouch.
Ang mga suspek ay nasa kustodiya ng nasabjng pulisya habang dinala ang mga narekober na ebidensiya sa Southern Police District (SPD) Forensic Unit para sa pagsusuri. (Bhelle Gamboa)
