Armas, pampasabog na-recover ng pulisya sa Nueva Ecija

May nakuhang war materials ang mga otoridad sa Gabaldon, Nueva Ecija.

Nagsagawa ng operasyon ang pulisya na nagresulta sa pagkaka-recover sa Cal .38 revolver na may dalawang bala, isang HE Grenade, at components para sa improvised explosive devices (IEDs).

Ang operasyon ay ikinasa matapos ang impormasyon mula sa isang alyas “Bal” na dating rebelde at kasapi ng Larangang Gerilya sa Patag Uno (LGP1).

Si “Bal” ay sumuko sa mga otoridad noong November 17, 2023.

Matapos sumuko ay ibinunyag nito sa pulisya kung saan itinatago ng kanilang grupo ang ilang mga armas at pampasabog. (DDC)