Habal-Habal at van drivers timbog sa P350K ‘shabu’ sa Makati
![Habal-Habal at van drivers timbog sa P350K ‘shabu’ sa Makati](https://newsflash.ph/wp-content/uploads/2023/11/shabu-makati.jpg)
Dinakip ng mga tauhan ng Station Drug Enforcement Unit (SDEU) at Comembo Substation Makati City Police ang dalawang drivers matapos makumpiskahan ng ₱350,200 na halaga ng umano’y shabu sa lungsod kagabi.
Kinilala ang mga suspek na sina alyas Jay-R, 37-anyos,habal-habal driver, at alyas Diego, 43-anyos, van driver.
Dakong alas-8:30 ng gabi ng November 15 nagkasa ng buy-bust operation ang otoridad sa Magnolia Street, Barangay Rizal, Makati City na nagresulta ng pagkakaaresto ng dalawang suspek at nakumpiska ang 51.5 gramo ng ‘shabu’,buy-bust money,coin purse at cellphone.
Inihahanda na ng pulisya ang pagsasampa ng kasong paglabag sa Comprehebsive Dangerous Drugs Act of 2002 laban sa mga suspek. (Bhelle Gamboa)