PISTON magsasagawa ng tatlong araw na tigil-pasada
Magkakasa ng tatlong araw na tigil-pasada ang grupong PISTON.
Ito ay bilang protesta sa napipintong deadline para sa PUV modernization sa Dec. 31, 2023.
Ayon sa grupo, isasagawa ang tigil-pasada sa Nov. 20, 21 at 22.
Ayon sa grupong PISTON, sapilitan ang konsolidasyon na ipatutupad sa ilalim ng naturang programa.
Panawagan ng grupo sa mga tsuper at operator, makiisa sa idaraos na tigil-pasada para matutulan ang anila ay “hindi makataong PUV Modernization Program”. (DDC)
