Oath Taking at Roll Signing sa mga magiging bagong abogado, itinakda na ng Korte Suprema
Itinakda na ng Korte Suprema ang petsa para sa Oath Taking and Roll Signing ng mga makakapasa sa 2023 Bar Examinations.
Ayon sa inilabas na abiso ng Supreme Court (SC), ang seremonya ay gagawin sa Dec. 22, 2023 sa SMX Convention Center sa Pasay City.
Sinabi din ng SC na walang ipatutupad na dagdag sa Bar Admission Fees ngayong taon.
Pinapayuhan ang mga succesfull examinees na magsagawa na ng logistical preparations.
Una ng sinabi ng SC na target nitong mailabas ang resulta ng 2023 Bar exams sa Disyembre. (DDC)
