Suplay ng karne ng baboy sa bansa sapat para sa holiday season ayon sa grupong SINAG

Sapat ang suplay ng karne ng baboy sa bansa ngayong papalapit na ang Holiday season.

Ayon kay Rosendo So, presidente ng Samahang Industriya ng Agrikultura o SINAG, sa Luzon ay may sapat na suplay ng karne ng baboy kaya wala pang nakikita ang grupo na magkakaroon ng pagtaas sa presyo nito.

Sinabi ni So na stable ang presyo ng karne ng baboy sa farm gate kaya dapat ay wala ding pagtaas ng presyo nito sa pamilihan.

Dagdag pa ni So, bagaman nakararanas pa rin ng outbreak ng ASF o African Swine Fever sa ilang mga lugar sa bansa ay hindi naman apektado ang pangkalahatang suplay. (DDC)