Game variety show na “It’s Your Lucky Day” pansamantalang papalit sa “It’s Showtime” habang umiiral ang suspensyon
Ilulunsad ng ABS-CBN ang game show na “It’s Your Lucky Day” na eere habang suspendido ang noontime show na “It’s Showtime”.
Ayon sa pahayag ng network, ang game variety show ang pansamantalang papalit sa “It’s Showtime” at eere sa loob ng 12-araw.
Magsisilbing hosts ng game variety show sina Luis Manzano, Robi Domingo, Jennica Garcia, at Melai Cantiveros.
Ayon sa ABS-CBN mapapanood ito simula Oct. 14 hanggang Oct. 27 mula Lunes hanggang Sabado alas 12:00 ng tanghali sa Kapamilya Channel, A2Z at GTV. (DDC)
