Las Piñas City Lying-In Center nagdiwang ng ika-23 anibersaryo ng pagkatatag

Ipinagdiriwang ng Lokal na Pamahalaan ng Lungsod ng Las Piñas ang ika-23 anibersaryo ng pagkatatag ng Las Piñas City Lying-In Center kahapon.

Libu-libong Las Piñeras na ang naserbisyuhan ng libre at dekalidad na serbisyong pangkalusugan sa higit dalawang dekadang paglilingkod ng nasabing lying-in center ng lungsod.

Nabatid na naitatag ang Las Piñas City Lying-In Center noong Setyembre 20,2000 sa panahon ng panunungkulan ng ‘Ama ng Las Piñas’ at dating alkalde, Mayor Vergel ‘Nene’ Aguilar.

Tuluy-tuloy na nakakapaghatid ng mga kalingang pangkalusugan ang lying-in center para sa mga taga-Las Piñas sa ilalim ng pamumuno nina Mayor Imelda T. Aguilar at Vice Mayor April Aguilar katuwang ang buong City Council. (Bhelle Gamboa)