Pinakamataas na bilang ng pasahero mula nang magbalik-operasyon ang MRT-3 noong Hunyo, naitala kahapon

Nakapagtala ng kabuuang 121,023 na pasahero ang MRT-3 kahapon, November 23.

Ayon sa pamunuan ng MRT-3 ito na ang pinakatamaas na bilang ng mga commuters na sumakay ng tren simula nang magbalik-operasyon ito noong June 1, 2020.

Ito ay resulta ng mas pinataas na passenger capacity, mas mabilis na pagbiyahe ng mga tren at pagkakaroon ng mataas na bilang ng mga running at operational na train sets sa linya.

Magugunitang itinaas ang kapasidad ng mga tren sa 30% mula sa dating 13% lamang.

Mas pinabilis din ang takbo ng mga tren ng 50kph, mula sa dating 40kph, simula Noong Nov. 2.