Hepe ng Rodriguez, Rizal Police Station sinibak na sa pwesto kaugnay ng pagkasawi ng 15-anyos na binatilyo
Sinibak na sa puwesto ang hepe ng Rodriquez, Rizal Police Station na si Lt. Col. Ruben Piquero.
Kasunod ito ng insidenteng kinasangkutan ng isang tauhan nito na nagresulta sa pagkasawi ng isang 15-anyos na binatilyo noong August 20, 2023 na si John Frances Ompad.
Ayon kay Rizal police spokesperson Captain Mariesol Tactaquin, ang pagsibak kay Piquero ay para matiyak din ang impartial probe sa sa kaso.
Itinalaga namang acting police chief ng Rodriguez Police station si Police Lieutenant Colonel Arnulfo Selencio.
Una ng tiniyak ng Rizal Police Provincial Office ang patas at agarang imbestigasyon kay PCpl Arnulfo Gabriel Sabillo at kasama nitong sibilyan na si Jeffrey Baguio. (DDC)
