Bilang ng naapektuhan ng bagyong Goring mahigit 300,000 na
Umakyat na sa mahigit 85,000 na pamilya o katumbas ng mahigit 300,000 indibidwal ang apektado ng Super Typhoon Goring na ngayon ay nasa labas na ng bansa.
Ayon sa datos mula sa National Disaster Risk Reduction and Management Council (NDRRMC), mayroong 10,468 na pamilya o 38,021 na katao ang nasa mga evacuation center.
Umabot sa 1,152 na mga barangay mula sa 25 lalawigan sa 7 rehiyon sa bansa ang naapektuhan ng bagyo.
Ayon sa NDRRMC, nakapaglaan na ng mahigit P11 million na tulong ang pamahalaan sa mga naapektuhan ng bagyo. (DDC)
