Bangkay ng isang lalaki natagpuan sa ilog sa Amulung, Cagayan

Natagpuang palutang-lutang at wala nang buhay ang katawan ng isang lalaki sa Cagayan River na bahagi ng Barangay Anguiray, Amulung Cagayan.

Sa impormasyon ng Task Force Lingkod Cagayan (TFLC) Amulung station, ang natagpuang lalaki ay nakasuot ng kulay yellow green na long sleeves, walang suot na pang-ibaba at tinatayang nasa edad 40-45.

Ayon sa TFLC, inaalam pa ang pagkakakilanlan ng naturang lalaki.

Katuwang ng TFLC sa isinagawang retrieval operation ang Municipal Disaster Risk Reduction and Management Office (MDRRMO)-Amulung at mga kawani ng Philippine National Police (PNP).

Ang Cagayan ay ilang araw ng nakararanas ng pag-ulan dahil sa epekto ng bagyong Goring. (DDC)