Labi ng yumaong si DMW Sec. Ople ibuburol sa Heritage Park sa Taguig

Simula na ngayong araw ang burol para sa mga labi ng pumanaw na si Department of Migrant Workers (DMW) Secretary Susan Ople.

Ayon sa abiso ng DMW, ang burol ay Chapel 1 ng Heritage Memorial Park sa Taguig City na simula ngayong araw ng Miyerkules (August 23, 2023) hanggang sa Martes (August 29).

Hiniling naman ng pamilya Ople sa mga nais makiramay na sa halip na bulaklak ay mas mainam kung magbibigay na lamang ng donasyon sa “Blas F. Ople Policy Center”.

Sa ganitong paraan ay maipagpapatuloy pa ang adbokasiya ng yumaong kalihim para maprotektahan ang karapatan ng mga migrante. (DDC)