Ilang motoristang naghihintay ng estudyante sa La Salle Green Hills huli ng MMDA

Ilang motorista na nakatigil sa harapan ng La Salle Green Hills sa Ortigas Avenue, Mandaluyong City ang natikitan dahil sa obstruction.

Sa pag-iikot ng mga traffic enforcers ng Metropolitan Manila Development Authority (MMDA), naabutan ang mga sasakyan na nakaparada at naghihintay sa harap ng paaralan.

Sinakop na ng mga naghihintay na sasakyan ang dalawang lane ng kalsada.
Dahil dito, naapektuhan ang daloy ng trapiko.

Sa datos ng MMDA hanggang alas 10:00 ng umaga ng Martes (Aug. 15), ay labingdalawang motorista na ang naisyuhan ng traffic citation ticket.

Tiniyak ng MMDA na binabantayan ng kanilang mga traffic enforcers sa mga paaralan sa mga pangunahing lansangan sa EDSA ngayong panahon ng pagbubukas ng klase. (DDC)