10 babaeng PDL sa Baguio City Jail, nagtapos sa Alternative Learning System
Sampung babaeng Persons Deprived of Liberty (PDL) mula sa Baguio City Jail Female Dormitory ang nagtapos sa Alternative Learning System (ALS).
Ibinahagi ng Baguio City Jail ang mga larawan sa idinaos na seremonya araw ng Huwebes, Aug. 20.
Nakasuot ng tradisyonal na puting toga at kasama ang kanilang mga magulang at kamag-anak, tumanggap ng kanilang mga diploma sa Moving-Up at Graduation Ceremonies ang 10 PDLs.
Patunay ito ayon sa Baguio City Jail na ang pagkakaroon ng paghihigpit sa kalayaan ay hindi hadlang sa paghahanap ng kaalaman. (DDC)
