Pagbubukas ng klase sa public schools itinakda sa Aug. 29 ng DepEd
Sa August 29 opisyal na magsisimula ang School Year 2023-2024 para sa mga pampublikong paaralan.
Ito ay base sa abiso na inilabas ng Department of Education (DepEd) kaugnay sa pagbubukas ng klase sa public schools.
Ayon sa DepEd, ang mga pribadong paaralan ay maaaring magpasya ng petsa ng kanilang pagbubukas ng klase.
Kailangan lamang hindi lalagpas ng buwan ng Agosto ang school opening bilang pagsunod sa itinatakda ng Republic Act 11480. (DDC)
